కంచికచర్ల మండలంలో తుఫాను ప్రభావంతో నష్టం వాటిల్లిన వరి పంట పొలాలను పరిశీలించేందుకు ఆంధ్రప్రదేశ్ ప్రభుత్వ విప్,ఎమ్మెల్యే శ్రీమతి తంగిరాల సౌమ్య గురువారం పరిటాల గ్రామాన్ని సందర్శించారు. ఆమెతో పాటు వ్యవసాయ శాఖ అధికారులు, స్థానిక రైతులు కూడా ఈ పర్యటనలో పాల్గొన్నారు.తుఫానుతో వరి పంటలు నేలకొరిగిన పరిస్థితిని ప్రత్యక్షంగా ఎమ్మెల్యే తంగిరాల సౌమ్య పరిశీలించారు. రైతులతో మాట్లాడి వారి నష్టాన్ని అర్థం చేసుకున్నారు. పంట నష్టాలను వాటి తీవ్రతను బట్టి అంచనా వేయాలని, నష్టపరిహార ప్రక్రియను వేగవంతం చేయాలని సంబంధిత అధికారులను ఆమె ఆదేశించారు.ఈ సందర్భంగా తంగిరాల సౌమ్య మాట్లాడుతూ ప్రకృతి విపత్తుల కారణంగా నష్టపోయిన రైతులకు ప్రభుత్వం అండగా నిలుస్తుంది. న్యాయమైన పరిహారం అందించేందుకు తగిన చర్యలు తీసుకుంటాంఅని హామీ ఇచ్చారు. రైతుల సంక్షేమం కోసం ప్రభుత్వం కట్టుబడి ఉందని ఆమె స్పష్టం చేశారు. ఈ కార్యక్రమంలో కంచికచర్ల మార్కెట్ యార్డ్ చైర్మన్ కోగంటి వెంకట సత్యనారాయణ బాబు, రైతులు, రైతు నాయకులు, కూటమి నేతలు మరియు అధికారులు తదితరులు పాల్గొన్నారు.
