ప్రకాశం జిల్లా/రాచర్ల : మండల పరిధిలోని జేపీ చెరువు గ్రామ సమీపంలోని ప్రముఖ పుణ్యక్షేత్రమైన శ్రీ నెమలిగుండ్ల రంగనాయక స్వామి ఆలయ దర్శనాలను శనివారం నిలిపివేస్తున్నామని ఆలయ కార్యనిర్వహకాధికారి మల్లవరపు నాగయ్య,రాచర్ల మండల ఎస్సై పాదర్తి కోటేశ్వరరావు శుక్రవారం సాయంత్రం వెల్లడించారు.నల్లమల్ల అటవీ ప్రాంతంలో కురిసిన భారీ వర్షాలకు ఆలయ సమీపంలో గుండ్లకమ్మ వాగు ఉదృతంగా ప్రవహిస్తుందని భక్తుల భద్రతను దృష్టిలో ఉంచుకొని మార్కాపురం ఆర్డీఓ శివరామిరెడ్డి,మండల తహశీల్దార్ వెంకటేశ్వర్లు, ఎస్సై పాదర్తి కోటేశ్వరరావు,దేవాదాయ శాఖ ఉన్నత అధికారులతో ఆలయ కార్యనిర్వహక అధికారి చర్చించిన అనంతరం శనివారం దర్శనాలు నిలిపివేస్తున్నామని ఒక ప్రకటలో తెలిపారు. కాబట్టి దూర ప్రాంతాల నుంచి వచ్చే భక్తులు తుఫాను పరిస్థితులను గుర్తించి దర్శనాలకు రావద్దని అధికారులు విజ్ఞప్తి చేస్తున్నారు.
