విజయవాడ : ఆంధ్రప్రదేశ్ రాష్ట్ర న్యాయశాఖ మరియు మైనార్టీ సంక్షేమ శాఖ మంత్రి ఎన్ఎండి ఫరూక్ ని నూతనంగా నియమితులైన ఆంధ్రప్రదేశ్ రాష్ట్ర సగర/ఉప్పర వెల్ఫేర్ మరియు డెవలప్మెంట్ కార్పొరేషన్ డైరెక్టర్ ఉప్పరి సురేష్ కుమార్ తాడేపల్లిలోని మంత్రి ఫరూక్ స్వగృహం నందు మర్యాదపూర్వకంగా కలిశారు. ఈ సందర్భంగా, డైరెక్టర్ ఉప్పరి సురేష్ కుమార్ మంత్రి ఫరూక్ కి పుష్పగుచ్ఛం అందించి తమ నూతన నియామకానికి సంబంధించిన విషయాన్ని తెలియజేసి, ఆయన ఆశీస్సులు తీసుకున్నారు. అనంతరం రాష్ట్రంలో సగర/ఉప్పర వెల్ఫేర్ మరియు డెవలప్మెంట్ కార్పొరేషన్ ద్వారా చేపట్టాల్సిన అభివృద్ధి లక్ష్యాలు, సంక్షేమ పథకాల అమలు గురించి వారు క్లుప్తంగా చర్చించారు.ఈ సందర్భంగా డైరెక్టర్ ఉప్పరి సురేష్ కుమార్ మాట్లాడుతూ సగర/ఉప్పర కమ్యూనిటీల అభివృద్ధికి, వారి ఆర్థిక స్వావలంబనకు కార్పొరేషన్ తరఫున చేపట్టనున్న కార్యక్రమాలకు సహకారం అందించాలని మంత్రిని కోరారు. ఈ నూతన డైరెక్టర్ పదవి ద్వారా తమ కమ్యూనిటీ ప్రజలకు మరింత మెరుగైన సేవలు అందిస్తారని ఆకాంక్షిస్తూ, వారంతా మంత్రిని కలిసి ఆశీర్వాదం తీసుకున్నారు.ఈ సందర్భంగా మంత్రి ఎన్ఎండి ఫరూక్ నూతనంగా బాధ్యతలు స్వీకరించిన ఉప్పరి సురేష్ కుమార్ కి శుభాకాంక్షలు తెలియజేస్తూ, కార్పొరేషన్ లక్ష్యాల సాధనకు తమ వంతు సహకారం ఎల్లప్పుడూ ఉంటుందని హామీ ఇచ్చారు.
ఈ కార్యక్రమంలో బిల్లాలాపురం టిడిపి గ్రామ ఇంచార్జ్ చిలకల చిన్నయ్య, డబల్యు 20 నీటి సంఘం మెంబర్ ఇమ్మడి శ్రీనివాసులు, 71 బూత్ ఇంచార్జి షేక్ జబీబుల్లా, జూటూరు పాపోడు, పసుపుల సుబ్రమణ్యం, బొట్టు శీను తదితరులు పాల్గొన్నారు
