నంద్యాల జిల్లా మహానంది మండల పరిధిలోని చెంచుగూడెం ప్రజలకు మండల జనసేన నాయకుల మురళి ,చందు ఆధ్వర్యంలో చెంచులక్ష్మి గూడెం ప్రజలకు 3000 లీటర్ల నీళ్ల ట్యాంకిని అందజేశారు. ఈ కార్యక్రమానికి ముఖ్య అతిథులుగా నంద్యాల జనసేన సమన్వయకర్త పిడతల సుధాకర్ ,జనసేన నాయకులు భవనాసి వాసు పాల్గొన్నారు. ఈ సందర్భంగా ఆయన మాట్లాడుతూ సేవ అంటే అందరికీ గుర్తొచ్చే పదం మెగాస్టార్ కుటుంబమేనని, వారి నుంచే జన సైనికులు ఇలాంటి సేవా కార్యక్రమాలు చేస్తుంటారని, చెంచులక్ష్మి గూడెం ప్రజల దాహార్తిని తీర్చేందుకు జనసేన నాయకులు నీళ్ల ట్యాంక్ ని అందించడం తనకెంతో ఆనందాన్ని కలిగించిందన్నారు. డిప్యూటీ సీఎం పవన్ కళ్యాణ్ మాటల నాయకుడు కాదని, చేతల నాయకుడని ఆయన ప్రజలకు మాటిచ్చారంటే కచ్చితంగా చేస్తానంటూ రాష్ట్రాన్ని అభివృద్ధి పథంలో ముందుకు తీసుకెళ్తూ, సంక్షేమంతో పాటు అభివృద్ధిని కూడా ఒకే తాటిపై నడిపిస్తున్నారన్నారు. కార్యక్రమంలో పాల్గొన్న జనసేన కార్యకర్తలకు ధన్యవాదాలు తెలియజేశారు. గూడెం ప్రజలు డిప్యూటీ సీఎం పవన్ కళ్యాణ్ కి జనసేన నాయకులకు కృతజ్ఞతలు తెలియజేశారు.
