* మంగళ వారం ఉచిత వైద్య శిబిరాని ప్రారంభించనున్న మంత్రి ఫరూక్, ఎంపీ డాక్టర్ బైరెడ్డి శబరి
* 35 వ ఉచిత చెవి,ముక్కు, గొంతు శస్త్ర చికిత్సల వైద్య శిబిరం
* ఎంపిక చేసిన వంద మంది పేదలకు ఉచిత శస్త్ర చికిత్సలు
* మూడవ తేదీ నుండి ఏడవ తేదీ వరకు ఉచిత ఓపిడి సేవలు, వినికిడి పరీక్షలు చేసి, అవసరమైన మందుల పంపిణీ
నంద్యాల : స్థానిక పట్టణంలోని మధుమణి నర్సింగ్ హోమ్ ఆధ్వర్యంలో ఆసుపత్రి నిర్వాహకులు డాక్టర్ మధుసూదన రావు, డాక్టర్ నాగమణి, డాక్టర్ మణిదీప్ ల ఆధ్వర్యంలో సెప్టెంబర్ మూడవ తేదీ నుండి ఏడవ తేదీ వరకు వరుసగా 35 వ సంవత్సరం డాక్టర్ మధుసూదనరావు తల్లిదండ్రులు చిత్తలూరి వెంకట శెట్టి, పుల్లమ్మల జ్ఞాపకార్థం ఉచిత చెవి ముక్కు గొంతు శస్త్ర చికిత్సల శిబిరం నిర్వహిస్తున్నారు.
డాక్టర్ మధుసూదన రావు, డాక్టర్ మణిదీప్, డాక్టర్ రోహిత్ ల తో పాటు,దేశంలో ప్రఖ్యాతి గాంచిన చెవి, ముక్కు, గొంతు శస్త్ర చికిత్స నిపుణులు డాక్టర్ సంజయ్ అగర్వాల్, డాక్టర్ దుబే, డాక్టర్ దీపక్ హెల్దిపూర్, డాక్టర్ శ్రీనివాస్ మూర్తి, డాక్టర్ హర్షద్ హుస్సేన్, డాక్టర్ పలని అప్పన్, డాక్టర్ విద్యాసాగర్, డాక్టర్ శ్రీపతి నాయుడు ఎంపిక చేసిన వందమంది పేదలకు 50 లక్షల రూపాయల విలువచేసే శస్త్ర చికిత్సలు ఉచితంగా చేయడం జరుగుతుంది. ఈ శస్త్ర చికిత్సలకు అవసరమైన అనస్థీషియా సేవలు డాక్టర్ రవి కృష్ణ ,డాక్టర్ మాధవి అందజేస్తారు.మూడో తేదీ నుండి ఏడవ తేదీ వరకు ఓపిడిలో సేవలు కూడా ఉచితంగా అందజేసి మందులు ఉచితంగా పంపిణీ చేస్తారు. అవసరమైన వారికి రక్త పరీక్షలు, వినికిడి పరీక్షలు ఉచితంగా చేయడం జరుగుతుంది. ఉచిత శిబిరాన్ని ప్రారంభించ వలసిందిగా రాష్ట్ర న్యాయ మైనారిటీ సంక్షేమ శాఖ మంత్రి ఫరూక్ ను క్యాంపు కార్యాలయంలో డాక్టర్ మధుసూదనరావు, ఐఎంఏ రాష్ట్ర మాజీ అధ్యక్షులు డాక్టర్ రవి కృష్ణ కలిసి ఆహ్వానించారు. ఉచితశిబిరాన్ని సెప్టెంబర్ రెండవ తేదీ, మంగళవారం మంత్రి ఫరూక్, ఎంపీ డాక్టర్ బైరెడ్డి శబరి ప్రారంభిస్తారు.
