* ఎముకల సాంద్రతను తెలిపే ప్రధానమైన బిఎండి టెస్టు ఉచితం.
* విలేకరుల సమావేశంలో ప్రముఖ వైద్యులు పి. కిరణ్ కుమార్
కర్నూలు : స్థానిక నగరంలోని ఎన్ ఆర్ పేట లో అపోలో హాస్పిటల్ ఎదురుగా ఆదివారం అంతర్జాతీయ ఆర్థరైటిస్ దినోత్సవం సందర్భంగా మెగా ఉచిత వైద్య శిబిరం నిర్వహించారు.ఈ సందర్భంగా ప్రముఖ వైద్యులు ఎముకలు మరియు కీళ్ల వ్యాధి నిపుణులు డాక్టర్ పి కిరణ్ కుమార్ మీడియాతో మాట్లాడుతూ కర్నూలు లో నిత్యం ప్రజలకు వైద్య సేవలు అందిస్తున్న తాము ఈరోజు వరల్డ్ ఆర్థరైటిస్ డే సందర్భంగా, ఉచిత మెగా వైద్య శిబిరం ఏర్పాటు చేశామన్నారు. ప్రస్తుత మానవ శరీరంలో ఎముకలు పటిష్టత కోల్పోయి అరుగుదల తీవ్రంగా ఉందని, దీనిని నివారించడానికి బిఎండి టెస్టులతో పాటు ఫిజియో తెరపి టెస్టులు కూడా అందిస్తున్నామని అన్నారు. స్టేజ్ వన్ స్టేజ్ టు దాటిన కేసులను శస్త్ర చికిత్స చేస్తామని తెలిపారు. ప్రస్తుతం రోబోటిక్ టెక్నాలజీతో కీళ్ళ మార్పిడి పరీక్షలు కూడా హాస్పిటల్ లో అందుబాటులో ఉన్నాయని, ఈ పరీక్షలకు హైదరాబాద్, బెంగళూరు కార్పొరేట్ ఆసుపత్రులలో అయ్యే ఖర్చులలో సగానికన్నా తక్కువ ఫీజు తో ఇక్కడ శస్త్ర చికిత్స అందిస్తామన్నారు. ప్రతి రెండు నెలలకు ఒకసారి నిర్వహిస్తున్న ఈ ఉచిత వైద్య శిబిరంలో అందే సేవలను నగర ప్రజలు సద్వినియోగం చేసుకోవాలని వారు అన్నారు.
