* గురువే మార్గదర్శి.బలపం పై సందేశచిత్రాలు.
నంద్యాల : స్థానిక పట్టణానికి చెందిన ప్రముఖ చిత్రకారుడు కళారత్న అవార్డు గ్రహీత చింతలపల్లె కోటేష్ జాతీయ ఉపాధ్యాయుల దినోత్సవం పురస్కరించుకొని చిన్న బలపం ముక్క పై వాటర్ కలర్ పెయింటింగ్స్ తో మైక్రో బ్రష్ ద్వారా గురువు యొక్క గొప్పతనం గురించి వేశారు. ఈ చిత్రం 2 గంటల వ్యవధిలో వేశారు.ఈ చిత్రంలో త్రిమూర్తులైన బ్రహ్మ, విష్ణువు, ఈశ్వరుడు మరియు సర్వేపల్లి రాధాకృష్ణన్ గారు, ఒక విద్యార్థి గురువుకు గౌరవ వందనం చేస్తున్నట్లు ఇలా సూక్ష్మ చిత్రాలు వేశారు. ఈ సందర్బంగా కోటేష్ మాట్లాడుతూ గురువు అంటే ఒక మార్గదర్శి. అజ్ఞానాన్ని తొలగించి వెలుగు చూపించే వ్యక్తి.అందుకే గురు బ్రహ్మ, గురు విష్ణు, గురు దేవో మహేశ్వరా. గురు సాక్షాత్ పర బ్రహ్మ తస్మెశ్రీ గురవే నమః అని అంటారు. గురువులను త్రిమూర్తులతో పోలుస్తారు. సర్వేపల్లి రాధాకృష్ణన్ జన్మదినం సందర్బంగా సెప్టెంబర్ 5 న జాతీయ ఉపాధ్యాయుల దినోత్సవం జరుపుకుంటున్నాము. దివంగత రాధాకృష్ణన్ గారు గొప్ప విద్యావేత్త, తత్వవేత్త, నీతి గల రాజకీయ నాయకులు, ఉప రాష్ట్రపతిగా, రాష్ట్రపతిగా పదవి చేశారు.1954 లో భారతదేశంలో అత్యున్నత భారతరత్న పురస్కారం అందుకున్నారు. ఎన్నో గౌరవ పురస్కారాలు అందుకున్న వ్యక్తి. ఉపాధ్యాయులలో అత్యంత ఆలోచన కలవారు. ఆయన విద్యాభోధన చేస్తుంటే విద్యార్థులు ఎంతో శ్రద్దగా వినేవారు. ఉత్తమ విలువలు గల ఉత్తమ ఉపాధ్యాయులు సర్వేపల్లి రాధాకృష్ణన్ గారు. అందుకే ఆయన పుట్టినరోజు సందర్బంగా ఉపాధ్యాయుల దినోత్సవం జరుపుకుంటాము. శిష్యులను జ్ఞానవంతులు తీర్చి దిద్దడంలో గురువు యొక్క కృషి వెలకట్టలేనిది. జీవితంలో ఉన్నత స్థానం ఇచ్చేది గురువే. అందుకే తొలి వందనం గురువుకే.ప్రతి శిష్యునికి పలకమీద బలపం పెట్టి అక్షరాలు నేర్పేది గురువే.అందుకే ఈ బలపం మీద గురువు గొప్పతనం గురించి ఎంతో సందేశమిచ్చే చిత్రాన్ని సూక్ష్మ చిత్రాలతో వేశానని కోటేష్ తెలిపారు. ఉపాధ్యాయులందరికి శుభాకాంక్షలు.
