నంద్యాల : ఫెన్సింగ్ లో ఏషియన్ గేమ్స్ నందు సత్తా చాటిన పబ్బతి చిన్మయి శ్రేయ అంతర్జాతీయంగా మరిన్ని విజయాలు సాధించాలని మైనార్టీ శాఖ మంత్రి ఎన్ ఎం డి ఫరూక్ ఆకాంక్షించారు. సోమవారం పద్మావతి నగర్ లోని ప్రముఖ ఆర్యవైశ్య నాయకులు బిల్డర్ పబ్బతి వేణుగోపాల్ స్వగృహానికి మైనార్టీ శాఖ మంత్రి ఫరూక్, శాప్ చైర్మన్ రవి నాయుడు, టిడిపి యువ నాయకులు ఎన్ ఎండి ఫిరోజ్, తెలుగుదేశం పార్టీ నాయకులు ఇలియాస్ ,శమీముల్లా తదితరులు విచ్చేశారు .అనంతరం ఎన్ ఎం డి ఫరూక్ ఫెన్సింగ్ క్రీడాకారుని పబ్బతి చిన్మయి శ్రేయతో ఫెన్సింగ్ క్రీడా మరియు ఎక్కడ కోచింగ్ తీసుకున్నారని వివరాలను స్వయంగా అడిగి తెలుసుకున్నారు.ఫెన్సింగ్ క్రీడలో నంద్యాల జిల్లా కీర్తిని అంతర్జాతీయంగా మారు మోగేలా చేశావని ప్రత్యేకంగా అభినందించారు.అనంతరం శాలువా కప్పి సత్కరించారు.పబ్బతి వేణుగోపాల్, అడ్వకేట్ అపర్ణ దంపతులు మంత్రి ఎన్ ఎండి ఫరూక్ , శాప్ చైర్మన్ రవి నాయుడు, టిడిపి నాయకులు ఎన్ ఎండి ఫిరోజ్ లను సత్కరించారు.
