రాష్ట్రస్థాయి షూటింగ్ పోటీలకు ఎంపికైన నంద్యాల క్రీడాకారుడు

* ఎయిర్ పిస్టల్ విభాగంలో కర్నూలు జిల్లా జట్టుకు ఎంపికైన సుమిత్

నంద్యాల : 19 సంవత్సరాల లోపు స్కూల్ గేమ్స్ ఫెడరేషన్ ఆఫ్ ఇండియా ఆధ్వర్యంలో జరగనున్న రాష్ట్రస్థాయి షూటింగ్ పోటీలలో పాల్గొనే ఉమ్మడి కర్నూలు జిల్లా జట్టు ఎంపిక పోటీలు గతవారం కర్నూలు నగరంలో ఆర్కే రైఫిల్ షూటింగ్ అకాడమీలో ఎస్.జి.ఎఫ్.ఐ.సెక్రెటరీ రాఘవేంద్రరావు నిర్వహణలో రవికుమార్ సెలక్షన్ కమిటీ సభ్యుడిగా జరిగిన ఈ ఎంపిక పోటీలలో నంద్యాల నారాయణ జూనియర్ కళాశాలలో మొదటి సంవత్సరం చదువుతున్న డి. సుమిత్ ఎయిర్ పిస్టల్ విభాగంలో ఉమ్మడి జిల్లా జట్టుకు ఎంపికయ్యారు. ఈ సందర్భంగా నంద్యాల క్రీడా సమాఖ్య కార్యాలయంలో జరిగిన కార్యక్రమంలో ఐఎంఏ రాష్ట్ర మాజీ అధ్యక్షులు, ఉమ్మడి కర్నూలు జిల్లా మాజీ ఒలింపిక్ చైర్మన్ డాక్టర్ రవి కృష్ణ సుమిత్ కు జ్ఞాపిక అందజేసి అభినందించారు. ఈ సందర్భంగా డాక్టర్ రవి కృష్ణ మాట్లాడుతూ రాష్ట్ర స్థాయి పోటీలలో రాణించి జాతీయ స్థాయి పోటీలలో రాష్ట్రం తరఫున పాల్గొనడానికి కృషి చేయాలని సుమిత్ ను కోరారు.

ఈ కార్యక్రమంలో లయన్స్ క్లబ్ అధ్యక్షులు సోమేసుల నాగరాజు, సీనియర్ సభ్యులు ఎం.పీ.వి. రమణయ్య, లాలి స్వామి, రామయ్య, కరాటే మాస్టర్ బాలకృష్ణ పాల్గొన్నారు.