* మధుమణి చారిటబుల్ సొసైటీ సౌజన్యంతో
* 15 వేల రూపాయల విలువ చేసే ఆరు ఫ్యాన్ల
నంద్యాల : స్థానిక పట్టణంలోని జిల్లా ప్రభుత్వ జనరల్ ఆసుపత్రి ఎం సి హెచ్ బ్లాక్ లో రోగులు వేచి ఉండే హాల్ లో ఏర్పాటు చేయడానికి నంద్యాల ఐఎంఏ ఆధ్వర్యంలో మధుమణి నర్సింగ్ హోమ్, మధుమణి చారిటబుల్ సొసైటీ తరపున 15 వేల రూపాయల విలువ చేసి ఆరు సీలింగ్ ఫ్యాన్లు శనివారం అందజేశారు. జిల్లా ప్రభుత్వ జనరల్ ఆసుపత్రి సూపరింటెండెంట్ డాక్టర్ మల్లీశ్వరి కి ఐఎంఏ నంద్యాల అధ్యక్షులు, మధుమణి చారిటబుల్ సొసైటీ చైర్మన్ డాక్టర్ మధుసూదనరావు, ఐఎంఏ రాష్ట్ర మాజీ అధ్యక్షులు డాక్టర్ రవి కృష్ణ ప్రభుత్వాసుపత్రి క్యాజువాలిటీ విభాగం దగ్గర అందజేశారు. ఈ సందర్భంగా డాక్టర్ మల్లీశ్వరి ఐఎంఏ కు ధన్యవాదాలు తెలిపారు. డాక్టర్ మధుసూదన రావు,డాక్టర్ రవి కృష్ణ మాట్లాడుతూ ఐఎంఏ తరపున చేపట్టే అనేక సేవా కార్యక్రమాలలో భాగంగా ఈరోజు ఎం సి హెచ్ ( తల్లి పిల్లల ఆసుపత్రి) భవనంలో రోగులు వేచి ఉండే స్థలంలో ఏర్పాటు చేయడానికి సీలింగ్ ఫ్యాన్లు అందజేయడం జరిగిందని తెలిపారు. భవిష్యత్తులో కూడా ప్రభుత్వ ఆసుపత్రికి వచ్చే ప్రజల సౌకర్యార్థం సహకారం అందజేస్తామన్నారు.
ఈ కార్యక్రమంలో డాక్టర్ మల్లీశ్వరి, డాక్టర్ మధుసూదన రావు,డాక్టర్ రవి కృష్ణ లతోపాటు ప్రభుత్వాసుపత్రి చిన్నపిల్లల వైద్య విభాగాధిపతి డాక్టర్ అరుణ జ్యోతి, ఇతర వైద్య సిబ్బంది పాల్గొన్నారు.
