నంద్యాల : స్థానిక పట్టణానికి చెందిన ప్రముఖ చిత్రకారుడు కళారత్న చింతలపల్లె కోటేష్ నటసామ్రాట్ అక్కినేని నాగేశ్వరావు 101వ జయంతి సందర్బంగా A 3 డ్రాయింగ్ చార్ట్ మీద పెన్నులతో అక్కినేని నటించిన 250 సినిమా పేర్లతో, ఆయన జీవిత చరిత్రలోని ముఖ్యమైన అంశాలతో తెలుగు అక్షరాలతో ఎటువంటి అక్కినేని చిత్రాన్ని 2గంటల సమయంలో వేసి ఆ మహా నటునికి చిత్ర నివాళులు అర్పించారు. ఈ సందర్బంగా కోటేష్ మాట్లాడుతూ తరాలు మారిన మరచిపోని మహానటులు అక్కినేని .1941లో బాల నటుడుగా ధర్మపత్ని చిత్రం ద్వారా చిత్రసీమకు పరిచయ మయ్యారు.1944 లో పౌరణిక చిత్రం సీతారామజననం లో కథనాయకుడిగా నటించారు. ఆ తర్వాత మాయలోకం, బాలరాజు, రక్షరేఖ, కీలుగుర్రం, ముగ్గురుమరాఠీలు ఇలా అనేకమైన జానపద చిత్రాలలో హీరోగా నటించి మెప్పించారు.1953 లో ప్రసిద్ద బెంగాలీ రచయిత శరత్ చంద్ర రాసిన నవల ఆధారంగా తీసిన చిత్రమే దేవదాసు. ఈ చిత్రాన్ని వేదాంతం రాఘువయ్య దర్శకత్వం వహించారు. దేవదాసు పాత్రకు అక్కినేని ని ఎన్నుకున్నారు. సినీ పరిశ్రమలోని మేధావులు ఇటువంటి సినిమాకు అక్కినేని సరిపోరని దర్శకునికి అనేకమంది సలహాలు ఇచ్చారు. అప్పుటి వరకు జానపద చిత్రాలు తీసిన అక్కినేని ఇలా భగ్న ప్రేమికుడి సరి పోరని వారి అంచన. కాని దేవదాసు పాత్రలో అక్కినేని నాగేశ్వరావు కేరీర్ ను శిఖరాగ్రానికీ తీసికెళ్ళింది. తెలుగు సినిమా చరిత్రలో అతి పెద్ద సంచలనం సృష్టించి ఎన్నో రికార్డులను తిరగరాసింది. 
దేవదాసు అంటే అక్కినేని నాగేశ్వరరావే అనేంతగా ప్రేక్షకుల మదిలో చెరగని ముద్ర వేసింది. విమర్శకుల సైతం సెహభాష్ అక్కినేని అన్నారు. విప్రనారాయణ, భక్తతుకారాం, భక్త జయదేవ, చక్రధారి వంటి సినిమాలలో భక్తుని పాత్రలో జీవం పోశారు. ప్రేమనగర్, మూగమనసులు, దసరా బుల్లోడు, ప్రేమాభిషేకం వంటి సినిమాలో అద్భుతమైన నటనతో సంచలన విజయాలు అందించారు. నటసామ్రాట్ గా డాక్టర్ అక్కినేనికి ఎన్నో ఫిలిం ఫేర్ అవార్డ్స్, పలు నంది అవార్డ్స్, కళాసాగర్ అవార్డ్స్, వంశీ అవార్డ్స్, భారత ప్రభుత్వంచే పద్మశ్రీ, పద్మ భూషణ్, పద్మ విభూషణ్, దాదా సాహెబ్ ఫాల్కె అవార్డు ఇలా ఎన్నో అత్యున్నత పురస్కారాలు అందుకున్నారు. చివరి శ్వాస వరకు సినిమా లలో నటించాలని చివరి సినిమా మనం అనే సినిమా లో అద్భుతమైన నటన ప్రదర్శించారు. సమవుజ్జి ఎన్టీఆర్ తో 14 సినిమాలో నటించారు. 2009 లో హైదరాబాద్ లోని ఆయన నివాసంలో అక్కినేని చిత్రాన్ని అప్పుడు ఇప్పుడు అక్కినేని అనే చిత్రాన్ని వేసి ఆయనకు ఇవ్వడం జరిగింది.అంతటి మహా నటుని చూసే అదృష్టం మాట్లాడే అవకాశం దక్కింది.ఆయనతో దిగిన ఫొటోస్ మధుర జ్ఞాపకాలు. బౌతికంగా అక్కినేని లేకపోయిన తెలుగు వారి హృదయలల్లో శాశ్వతంగా వుంటారు.
