గడివేముల జులై 4 (ప్రజా పవర్ ) : అమరుల త్యాగ ఫలితమే మొహర్రం అని పాణ్యం ఎమ్మెల్యే గౌరు చరితారెడ్డి అన్నారు. శుక్రవారం ఆమె గడివేముల మండలంలోని పెసరవాయి గ్రామంలో అలీ అక్బర్ పీర్ల చావడిని దర్శించుకుని ప్రత్యేక ప్రార్థనలు నిర్వహించారు. మతసామరస్యానికి మొహరం ప్రతీక అని, మొహర్రంను శాంతియుత వాతావరణం లో జరుపుకొని ఐక్యత చాటాలన్నారు. కుల మతాలకతీతంగా ప్రజలు సుఖ సంతోషాలతో జీవించాలన్నదే కూటమి ప్రభుత్వ లక్ష్యమని అన్నారు. 
అనంతరం గ్రామంలో సుపరిపాలన తొలి అడుగు కార్యక్రమంలో పాల్గొన్నారు. ఇంటింటికి వెళ్లి కూటమి ప్రభుత్వం అధికారంలోకి వచ్చిన తర్వాత అమలు చేస్తున్న సూపర్ సిక్స్ హామీల పురోగతిని ప్రజలకు వివరించారు. ఈ కార్యక్రమంలో టిడిపి మండల కన్వీనర్ దేశం సత్యనారాయణరెడ్డి, మాజీ ఎంపీపీ వంగాల శ్రీనివాస రెడ్డి, తెలుగు మహిళ ఆర్గనైజేషన్ సెక్రటరీ వడ్డు లక్ష్మీదేవి, చిందుకూరు సర్పంచ్ అనసూయమ్మ, వడ్డు ప్రశాంతి, సుభద్రమ్మ, పాణ్యం నియోజకవర్గ బీసీ సెల్ అధ్యక్షుడు అంగాజాల కృష్ణ యాదవ్, కత్తి శివారెడ్డి, జయప్రకాష్ రెడ్డి, సుదర్శన్ రెడ్డి, కరిమిద్దల ఈశ్వర్ రెడ్డి, కంది శ్రీనివాసులు, తదితరులు పాల్గొన్నారు. ఎలాంటి అవాంఛనీయ సంఘటనలు జరగకుండా పాణ్యం సీఐ కిరణ్ కుమార్ రెడ్డి, గడివేముల ఎస్ఐ నాగార్జున రెడ్డి బందోబస్తు నిర్వహించారు.
